Sot kishim një mysafir të veçantë në emisionin tonë në  gjuhen shqipe ne Radio Helsinki. Nga ora 12:00 deri në 13:00, kishim nderin të mirëpresim Bashkim Shalën, kryetar i shoqatës „Atdheu“ në Graz. Bashkimi është një aktivist i mirënjohur për shqiptarët në landin e Steiermarkut dhe në gjithë Austrinë.

Që nga viti 1991, Bashkimi nuk është ndalur kurrë së vepruari për të mirën e komunitetit shqiptar. Përkushtimi i tij për aktivitetet politike, kulturore dhe sportive ka qenë i pandalshëm dhe inspirues. Ai ka dhënë kontribut të jashtëzakonshëm për të forcuar lidhjet midis shqiptarëve dhe për të promovuar kulturën dhe traditat tona në një mjedis të huaj.

Nën drejtimin e Bashkim Shalës, shoqata „Atdheu“ ka realizuar shumë projekte të rëndësishme, duke përfshirë organizimin e eventeve kulturore, turneve sportive dhe fushatave të ndryshme që kanë ndihmuar në integrimin dhe mirëqenien e komunitetit shqiptar në Austri.

Ju ftojmë që të na bashkoheni në këtë bisedë të veçantë, ku do të kemi mundësinë të dëgjojmë më shumë për rrugëtimin dhe përpjekjet e këtij patrioti të vërtetë, i cili me veprat e tij ka arritur të bëjë ndryshimin në jetët e shumë shqiptarëve. Të gjithë ata që e ndjejnë dhe e duan atdheun, do të inspirohen nga historia dhe angazhimi i Bashkim Shalës.