Kënaqësi të mirëpresim si mysafir një figurë të shquar në fushën e arsimit dhe komunikimit ndërkulturor – Pritë Bytyçi.
Prita është një ligjëruese e gjuhës angleze dhe një shkrimtare e pasionuar me një përvojë prej 12 vitesh në mësimdhënien e gjuhës angleze. Ajo shërben si ligjëruese në Universitetin St. Gallen në Zvicër, ku ligjëron lëndët për Anglishten në Biznes dhe Anglishten Akademike. Përveç kësaj, ajo shkruan artikuj për Prishtina Insights, duke informuar publikun për çështje shoqërore të rëndësishme që rrallë përfshihen në diskurse publike.
Prita dallohet për metodat e saj inovative të mësimdhënies, duke përfshirë integrimin e teknologjisë informative dhe inteligjencës artificiale në ligjëratat e saj. Ajo ka kontribuar në zhvillimin dhe zbatimin e kurrikulave të reja, duke përdorur njohuritë e saj të thella në dizajnimin dhe zhvillimin e kurrikulës, si dhe ekspertizën e saj në botën e teknologjisë informative. Me një qasje të tillë të avancuar dhe të përkushtuar, Prita ka arritur të inspirojë dhe edukojë shumë studentë, duke i pajisur ata me aftësitë dhe njohuritë e nevojshme për të pasur sukses në një botë gjithnjë e më globale dhe të ndërlidhur.
Moderoi
Artiola Kajtazi
