Altin Morina, basketbollisti i talentuar nga Peja, është shembulli i gjallë i një sportisti që me pasion, përkushtim dhe punë të palodhur arrin t’i tejkalojë të gjitha pengesat. Duke luajtur në superligën e basketbollit kosovar për klubin prestigjioz KB Peja që në moshën 18-vjeçare, Altini ka treguar se i përket elitës së sportistëve të rinj kosovarë. Vetëm një vit më vonë, ai është bërë pjesë e ligës së parë me ekipin KB Borea, ku vazhdon të spikasë me lojën e tij dinamike dhe të suksesshme.

Përveç angazhimit intensiv në fushën e basketbollit, Altini është gjithashtu student i vitit të parë në Fakultetin e Edukimit Fizik dhe Sportit, duke dëshmuar kështu përkushtimin e tij të dyfishtë – jo vetëm për sportin, por edhe për arsimimin. Ai ndan kohën e tij mes trajnimeve të rënda dhe studimeve akademike, duke u bërë një frymëzim për të gjithë të rinjtë që ndjekin ëndrrat e tyre sportive pa neglizhuar arsimin.

Gjatë emisionit tonë, kishim kënaqësinë të bisedojmë me Altinin për përvojën e tij në basketbollin kosovar, nga fillimet e tij modeste deri te suksesi aktual. Poashtu diskutuamë taktikat dhe strategjitë e lojës, sfidat që ai ka hasur gjatë rrugëtimit të tij si sportist, si dhe mundësitë që sporti i basketbollit ofron për të rinjtë në Kosovë. Me një të ardhme të ndritur përpara, Altin Morina është padyshim një emër që do të lërë gjurmë të thella në sportin kosovar.

Moderator:

Artiola Kajtazi